Bei eisen Jugendekippen gouwen et desen Weekend 2 Défaiten: d’Minis verleiren däitlech mat 34 op 94 géint Saarlouis an d’Cadettes mat 48 – 62 géint d’Piraten vun Wasserbelleg/Berbuerg.
Bei den Reservenekippen gouw et jeweils en positivt an en negativt Resultat: d’C-Ekip verléiert géint den Staater Racing an d’B-Ekip gewennt denkbar knapps mat 85 op 80 géint Hiefnech.
Eis Seniors-Ekippen waren doheem géint Kielen am Asaatz. Eis Damen hun sech missen mat 50 op 59 geschloen gin. Dono haten eis Hären e bessen méi Chance: als éischt konnten si sech mat engem glécklechen Dräier in extremis an d’Verlängerung retten, ier si an den 5 Extra-Minuten hieren Géigner schlussendlech mat 85 op 78 konnten klappen.

Eis zwou Seniors-Ekippen hun sech op den Wee Richtung Woltz gemeet an sin allerdengs mat eidelen Hänn aus dem Norden remkomm. Eis Damen verléieren 58 – 38 an d’Hären an engem offensive-schwachen Match 54 – 41. Net besser geséit den Bilan bei den Reserve-ekippen aus: Seniors B verléiert 61 – 79 géint de Gréngewald an och d’Seniors C muss eng Défaite géint den Telstar anstiechen.
Och éis Jugendekippen konnten net gewannen: d’Minis verléiren mam knappst méiglechen Ennerscheed 43 – 44 géint Mondorf an och d’Serie vun den Cadets ass no 5 Victoiren desen Weekend géint den Racing gerass. Si verléiren 64 – 69.

An der Coupe de Luxembourg haten eis Damen keng Chance géint den aktuellen Landesmeeschter aus dem Äerdbierduerf vun Steesel: si verléiren trotz 10 Punkten Firsprong mat 37 op 84. Am Championnat hun si sech dann um Gréngewald mat 50 – 27 an eng Woch méi spéit doheem géint Zolwer an engem enken Match mat 86 – 89 geschloen gin.

Eis Seniors Hären konnten sech mat 66 – 53 doheem géint Mamer duerchsetzen. D’B-Ekip ass zweemol als Verléirer vum Terrain gang: si verléiren géint Etzella B an Kordallsteelers B. Net besser ass et der C-Ekip gangen, déi géint Kayl B an Sparta C verléiert.

Besser ass et béi den Cadets gangen: si setzen hier Siegesserie am Championnat fort an gewannen zum Schluss däitlech mat 44 – 73 um Gréngewald. Allerdengs sin och si an der coupe géint d’Sparta rausgeflun.

Hier weiblech Alterskolleginnen verléiren am Championnat géint Steesel an an der Coupe géint den Préizerdaul.

Éis Minis- Ekip konnt awer hieren Match knapps mat 37 op 39 géint den BC Mess gewannen.

An engems wellen mir iech schon op eisen Event am Dezember opmierksam maachen: den QUIZmas um Fréideg, 23. 12. Weider Informatiounen kommen demnächst hei.

Wéi all Joers, mussen mir den Trainingsprogramm am Wanter e bessen upassen, well och Fussballsekippen an d’Haal trainéiren kommen. Dofir gellt ab elo an bis d’Fuesvakanz, folgenden Trainingsprogramm:

Trainingsprogramm

Op engem Match wou just eis Seniors Ekippen am Asaatz waren, konnten eis Hären sech denkbar knapp mat 57 – 62 zu Käl duerchsetzen. Eis Damen hun doheem missten eng Néierlaag astiechen: si verléiren 58 op 81 géint d’Sparta vun Bartréng.

Den nächsten Weekend stin dann d’Jugend-Coupematcher an folgend Seniorsmatcher um Programm:

• Samsdes, 18h45, Cadets Schieren – Sparta
• Samsdes, 20h30, Seniors A Schieren – Mamer
• Samsdes, 18h30, Seniors B Kordall – Schieren
• Samsdes, 18h00, Seniors C Käl – Schieren
• Sonndes, 14h00, Cadettes Préizerdaul – Schieren
• Sonndes, 15h00, Dames Gréngewald – Schieren

Mir erenneren och drun, dat eis Damen op desem Donneschden 10. November an der Coupe doheem géint Miersch spillen.

Um Samsden, 29. Oktober, huet den Comité vun den Black Frogs en Schnupperdag organiséiert fir jonk Léit fir den Basket ze motivéiren. 13 Kanner sin desem Opruff no komm an hun bei den Aktivitéiten ab 10h00 moies mat Begeeschterung matgemeet. Mir hoffen si dann demnächst an enger vun eisen Jugendekippen kennen remzegesin.

Während eis Jugendekippen desen Weekend spillfräi wäeren, wäeren eis 4 Seniorsekippen am Asaatz. Ugefang mat den Damen: si verléiren doheem 51 – 65 géint den BC Mess. Eis Hären haten keng Chance géint d’Avanti Mondorf, si mussen sech mat 62 – 91 geschloen gin. Eng Défaite an eng Victoire gouw et dann um Sonndeg zu Schieren fir d’Lokalekipp: d’Seniors B verléiren mat 66 – 70 géint den Telstar an eis Seniors C gewannen mat 68 – 60 géint Woltz B.

Firun geet et dann elod esen Weekend mat just zwee Matcher: éis Damen spillen um 18h30 doheem géint d’Sparta vun Bartreng an éis Hären fueren en Samsdeg op Käl.v

Fir eis Damen an Hären stoungen Heemmatcher géint d’East Side Pirates um Programm. Während sech d’Hären mat 68 – 48 konnten duerchsetzen, mussen eis Damen sech mat 57 – 59 geschloen gin. Den Piraten geléngt en Buzzer Beater wou mat si als Gewenner vum Terrain konnten goen. Fir éis Reserve-Ekippen gin et zwou Défaiten: d’B-Ekip gett zu Bartreng vun enger jonker an dynamescher Ekip iwerrannt an éis Seniors C zéien zu Wasserbelleg géint d’B-Ekip vun den Piraten den Kiérzeren.

Béi éisen Jugendekippen gouwen et zwou Victoiren an eng Défaite: eis Cadets klappen hier Alterskollegen vun Woltz an bléiwen weider ongeschloen. Si stéigen domadder an déi 3. Divisioun op. Och éis Cadettes gewannen mat 50 op 59 géint d’Ekip vum ZAK. Eis Minis steigen trotz enger Défaite géint Saarlouis an déi 5. Divisioun op. Félicitatiounen un éis Jugendekippen!

Um Mettwoch ass et dann zu Schieren zu der 1/16-Final an der Coupe de Luxembourg komm: éis Hären verléiren héi géint eng Ekip vun Woltz déi mat zwee Non-JICL’en ugetrueden ass. D’Aventure Coupe ass soumad zu Enn. Eis Damen kruten déi Steeseler Damen zougeloust. Géint déi aktuell wuel beschten Damen-Ekip aus dem Grand-duché wier en Weiderkommen eng Iwerraschung.

Um Weekend vum 29./30. Oktober stin dann nach folgend Matcher um Programm, déi alleguerten doheem gespillt gin: um Samsdeg spillen d’Damen um 18h30 géint den BC Mess an d’Seniors A géint Mondorf um 20h30. Um Sonndeg spillt d’C-Ekip um 14h30 géint d’B-Ekip vun Woltz an um 16h00 éis B-Ekip géint den Telstar vun Hesper.

Mir wellen och nach enmol un éisen Schnupperdag en Samsdeg de Moien um 10h00 erenneren.

Den BBC Black Frogs Schieren organiséiert den Samsdeg 29. Oktober en Schnupperdag fir jonk Léit fir den Basket ze begeeschteren.

Méi Infos héi um Flyer.

flyer-schnupperdag-2016

Zwou Défaiten gouwen et fir éis Seniors-Ekippen zu Kiehlen: als éischt verléiren éis Damen mat 49 op 69, ier och éis Hären sech mat 62 op 67 mussen geschloen gin.

Fir éis Jugend-Ekippen ass et besser gelaaf: als éischt iwerrennen éis Minis hier Noperen vun Diekrech mat 77 op 19, ier éis Cadettes no zwou Verlängerungen géint hier Alterskollegen vun Steesel kennen gewannen.

Desen Weekend war et och den Start an déi néi Saison fir d’Championnat vun den Reservenekippen. Hei konnten déi schwärz Fräschen eng Victoire anféiren an hun sech enmol missen geschloen gin: éis Seniors B-Ekip gewennt an der zweeter Division mat 54 op 52 géint d’B-Ekip vun Miersch. An der 3. Division verléiert éis Seniors C géint d’B-Ekip vun Beetebuerg.

Hei dann den Programm vum nächsten Weekend:

• Doheem spillen en Samsden :
  • Cadets um 16h vs Woltz
  • Dames um 18h30 vs East Side Pirates
  • Seniors A um 20h30 vs East Side Pirates

• Op d’Rees gin folgend Ekippen:
  • Seniors B, Sonndeg 19h zu Bartreng
  • Seniors C, Samsdeg 19h30 zu Wasserbelleg
  • Minis, Samsdeg um 16h30 zu Stadtbredimus
  • Cadettes, Samsdeg um 15h um Kiem