Um Samsden, 8. Oktober, hun d’Black Frogs d’Réfugién aus dem Foyer Ettelbreck op en klengen Training fir d’Kanner an eng interkulturell Rencontre invitéiert. Am Firaus hun d’Membren vum Schierener Basket Sportsgezéi an Turnschlappen gespend. Hei nach eng Kéier en decken Merci vum Comité.
Insgesamt hun 12 Kanner um sportlechen Deel matgemeet. 4 Coachen resp. Seniors-Spiller hun sech em den Spass an der Haal gekemmert an d’Kanner waren mat vill Freed um Ball. Dono huet den Comité den Kanner an hieren Eltern Uebst verdeelt, wat mir vum Cactus offréiert kruten, an hinnen Kniddelen gekacht. Hei waren eng 30 Léit präsent. Géint 18h hun sech d’Réfugién verabschied an awer gesoot si géingen gäer rem komm. Vläicht gesin mir demnächst en oder den anner an énger vun eisen Ekippen. Am Groussen an Ganzen war et eng flott an interessant Erfahrung fir béid Säiten.
Op dem réng sportlechen Plang war et en Weekend mat gemeschten Gefiller. Während all éis Jugendekippen gewonn hun, hun éis Damen an Hären missten eng Défaite anstiechen. Eis Minis iwerrennen Kayl mat 92 – 20. Eis Cadettes gewannen an engem enken Match mat 54 op 50 am Préizerdall. D’Schierener Cadets schloen hier Alterskollegen vun Miersch mat 76 op 46. Dest ass déi 3t Victoire an 3 Matcher fir des Ekipp
Eis Damen verléiren géint Woltz mat 49 op 72, nodeems si den éischten Véirel komplett verpennt haaten. Och éis Hären koumen schwéier aus den Startbléck: si hun den ganzen Match iwer engem Réckstand missen hannendrun laafen. Hinnen gelengt et puer Minuten firun Schluss nach enmol op 2 Punkten runzekommen. Allerdéngs brengen si et net färdeg den Match ze kippen, sou dat och si sech géint Woltz mat 60 op 66 mussen geschloen gin.
